Imami jep selam
dhe unë nuk kam përfunduar teshehudin
Abdulaziz ibn Baz
Pyetje: Dihet se teshehudi i fundit është shtyllë
prej shtyllave të namazit. Në njërin prej namazeve, imami dha selam ndërsa unë
nuk kishta plotësuar veçse një pjesë të vogël nga tehijati, a ta përsëris
namazin tim?
Përgjigje: Duhet që teshehudin ta plotësosh edhe pse
vonohesh pak nga imami yt. Kjo, sepse teshehudi i fundit është prej shtyllave të
namazit sipas mendimit më të saktë nga dy mendimet e dijetarëve.
Gjithashtu pjesë (e teshehudit të fundit) është edhe
salavati mbi Pejgamberin (sal-lAllahu alejhi ue sel-lem). Ajo që ke për detyrë,
është që ta plotësosh teshehudin edhe pasi imami të ketë dhënë selam. Poashtu
pjesë e teshehudit është edhe kërkimi strehim tek Allahu nga ndëshkimi i
Xhehennemit, ndëshkimi i varrit, sprovës së jetës, vdekjes dhe nga sprova e
Dexhalit; sepse Pejgamberi (sal-lAllahu alejhi ue sel-lem) ka urdhëruar që të kërkohet
strehim nga këto katër gjëra në teshehudin e fundit, dhe sepse disa nga dijetarët
kanë qënë të mendimit se kjo dua është uaxhib. E tek Allahu është suksesi.
Burimi: http://www.binbaz.org.sa/mat/979
Përshtati: Besmir Cacani
Nessun commento:
Posta un commento