Bashkimi i
namazeve për shkak të shiut
Abdulaziz ibn
Abdullah ibn Baz – http://www.sahab.net/home/?p=213
Pyetja: Gjatë rënies së shiut, sidomos në mbrëmje kur
bëhet ezani i akshamit, pasiqë falet akshami bëhet ikameti për namazin e jacisë
duke i bashkuar kështu namazet si mëshirë për namazlitë për shkak të shiut. A është
e lejuar kjo gjë, kur në kohën tonë gjërat kanë ndryshuar nga e kaluara dhe çdo
gjë është bërë e gatshme tek disa njerëz, si psh mjetet e transportit e të
ngjashme?
Përgjigja: Ky është një lehtësim prej Allahut, nëse
bie shi nuk ka problem që namazet të bashkohet. Ky është një lehtësim dhe pëlqehet
bashkimi si mëshirë ndaj njerëzve, lehtësim për ta dhe mosdëmtimi i tyre (me daljen
përjashta në shi). Edhe sikur njerëzit të mos i bashkojnë namazet, njeriut i
lejohet që të falet në shtëpinë e tij. Është vërtetuar se Pejgamberi
(sal-lAllahu alejhi ue sel-lem) ka urdhëruar që namazi të falet nëpër shtëpia
kur binte shi, ka thënë:
صلوا في رحالكم
“Faluni në shtëpijat tuaja.” [Transmeton Bukhariu dhe
Muslimi]
Si përfundim, nëse bie shi dhe përbaltet rruga, atëherë
Sunneti është që të bashkohet mes namazit të drekës dhe iqindisë, dhe mes
akshamit dhe jacisë. Ndërsa kush nuk i ka bashkuar namazet dhe ka vështirësi
për të dalë në namaz, atëherë i lejohet ta falë namazin në shtëpinë e tij dhe
arsyetohet për lënien e namazit me xhemat për shkak të hadithit të
lartpërmendur.
Përshtati: Besmir Cacani
Nessun commento:
Posta un commento