Leximi i Kuranit në
ujë dhe vaj
Grup dijetarësh - http://www.sahab.net/forums/index.php?showtopic=124342
Shejkh
Muhammed Nasiruddin Albani
Pyetja: Ka prej
njerëzve të cilët na argumentohen me disa libra të selefëve duke na thënë: disa
prej sahabëve sëbashku me të Dërguarin (sal-lAllahu alejhi ue sel-lem) kanë
përdorur Kuranin si shërim nga sëmundjet, poashtu edhe ne e dijmë që tek Kurani
ka shërim për njerëzit. A është vërtetuar se disa prej sahabëve kanë varur
ajete të Kuranit në qafët e njerëzve, apo kanë shkruar disa ajete të Kuranit ku
më pas i kanë zhytur në ujë dhe kanë pirë ujin dhe ua kanë dhënë të sëmurëve
për të pirë? Çfarë gjykimi kanë këto veprime?
Përgjigja: Sa i përket
se këto veprime janë vërtetuar nga disa prej sahabëve, kjo nuk është e saktë.
Ama a janë vepruar nga disa individe prej selefëve, kjo është e vërtetë. Por, çështja
ka mospajtim në të, dhe neve themi: ‘çfarë ka ardhur prej selefit nga çështjet
me mospajtim në të, neve zbatojmë mbi këto çështje ajetin e lartpërmendur’:
فَإِنْ
تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنْتُمْ
تُؤْمِنُونَ بِاللَّهِ وَالْيَوْمِ الْآَخِرِ
“E nëse bini në mospajtim mbi
një çështje, atëherë kthejani atë çështje Allahut dhe të Dërguarit.”
En-Nisa’:59
Ska dyshim se studiuesi i
Sunnetit pejgamberik, është në dijeni se ka rukje dhe lutje (ku kërkohet
strehim tek Allahu) të cilat Pejgamberi (sal-lAllahu alejhi ue sel-lem) i ka
ligjëruar nga Allahu si shërim i shumë sëmundjeve.
Nëse nuk është vërtetuar nga
Pejgamberi (sal-lAllahu alejhi ue sel-lem) së pari, dhe së dyti nuk është vërtetuar
nga sahabët se ata kanë varur në qafë disa ajete prej Kuranit, dhe nuk është vërtetuar
se sahabët kanë shkruar pjesë të Kuranit ku më pas i kanë zhytur në ujë dhe së
fundmi e kanë pirë atë ujë për shërim, atëherë neve shprehemi me mendimin e
disa prej selefëve të tjerë, të cilët kanë thënë: ‘Vërtet varja e disa ajeteve
Kuranore në qafë apo nën sqetull etj, bëjnë pjesë tek hajmalitë (nuskat) e
ndaluara në Islam.’
Këtu ne themi atë që i Dërguari i
Allahut (sal-lAllahu alejhi ue sel-lem) na ka mësuar: ‘Vërtet udhëzimi më i mirë
është udhëzimi iI Muhammedit (sal-lAllahu alejhi ue sel-lem).’
Domosdoshmërish ne tani duhet të themi,
duke iu referuar edhe përkatësimit tonë tek selefët, neve themi: ‘Pasojmë (dhe
ndjekim) menhexhin e selefëve për të cilin kanë rënë dakord dhe nuk kanë pasur
mospajtime, ama nëse ata kanë rënë në mospajtim rreth disa çështjeve
joparimore, atëherë ne i rikthehemi origjinës, origjinë e cila është Kurani dhe
Sunneti. Nëse selefët bien dakord atëherë neve jemi me ata, e nëse bien ne
mospajtim, zbatojmë ajetin e lartpërmendur’:
فَإِنْ
تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنْتُمْ
تُؤْمِنُونَ بِاللَّهِ وَالْيَوْمِ الْآَخِرِ
“E nëse bini në mospajtim mbi
një çështje, atëherë kthejani atë çështje Allahut dhe të Dërguarit nëse jeni
prej atyre që besojnë Allahun dhe Ditën e Fundit.” En-Nisa’:59
Silsiletu el huda uen-nur
nr.544 fetvaja nr.4
Pyetësi: Çfarë mendoni
rreth shërimit me Kuran psh me metodën e leximit në një gotë uji dhe më pas
afrimin e gojës…?
Përgjigja: Nuk ka bazë në
Fe! Shkrimi i Kuranit në një letër e më pas veprimi sikurse përmende nuk ka
bazë në Fe.
Çdo e mirë gjindet në ndjekjen
e selefit … dhe çdo e keqe gjindet në shkipjet e khalefit
Silsiletu el huda uen-nur
nr.573 fetvaja nr.9
Pyetja: Sa i përket
leximit në ujë, disa persona shërojnë disa gjëndje…?
Përgjigja: Nuk është vërtetuar
një veprim i tillë.
Silsiletu el huda uen-nur
nr.485 fetvaja nr.8
Shejkh
Rabia ibn Hadi el Medkhali
Pyetja: Çfarë gjykimi ka
leximi i Kuranit në ujë?
Përgjigja: Kjo nuk duhet
vepruar, edhe disa pse dijetarë e kanë këtë mendim, nuk ka argument rreth tij.
I Dërguari i Allahut (sal-lAllahu alejhi ue sel-lem) nuk e ka vepruar këtë gjë,
as sahabët nuk e kanë vepruar. Allahu ju begatoftë! Ata të cilët e lejojnë
shkrimin dhe disa gjëra si larja etj, nuk kanë argument. Dijetarët na kanë
mësuar që mos të pranojnë një çështje pa argument. Të gjithëve u merret fjala
dhe u kthehet, përveç Pejgamberit (sal-lAllahu alejhi ue sel-lem).
Shejkh Muhammed Eman el
Xhami
Pyetja: A mund të
përdorim kijasin sikurse kanë bërë disa sahabë në lidhje me flokët e
Pejgamberit (sal-lAllahu alejhi ue sel-lem), si psh për shkrimin e Kuranit në
një letër e më pas zhytja e saj në ujë, dmth e zhysim një letër ku shkruhet
Kuran dhe bëjmë teberruk (kërkojmë begati) me atë ujë?
Përgjigja: Nuk kanë
argument këto gjëra. Kurani është zbritur që të lexohet, meditohet dhe veprohet
sipas Tij. Sa i përket mënyrës së shërimit me anë të Kuranit, bëhet me anë të
leximit të Tij, dhe jo duke u zhytur në ujë dhe të pihet ai ujë apo të bësh
teberruk (të kërkosh begatinë duke e spërkatur atë ujë). Sikur kjo do të ishte
përcjellë, apo sikur të ishte e lejuar, do ta vepronin sahabët, ose Pejgamberi
(sal-lAllahu alejhi ue sel-lem) do t’i mësonte sahabët e tij. Përderisa brezi më
i mirë nuk e ka vepruar këtë gjë, atëherë ne kuptojmë se ky veprim nuk është i
ligjëruar, dhe Allahu është më i Ditur.
Kurani është shërim. Në origjinë
Kurani është shërim për sëmundjet e brëndshme (abstrakte) dhe shërim për sëmundjet
e jashtme gjithashtu (sëmundjet konkrete). Mënyra e shërimit me Kuran është
leximi I një ajeti Kuranor në vendin e sëmurë, sikurse kanë vepruar sahabët me
të pickuarin prej gjarprit. Të pickuarin prej gjarprit e kanë shëruar me Kuran.
Çfarë kanë vepruar?
A e shkruajtën Kuranin në letër e zhytën
në ujë e më pas i dhanë të pijë nga ai ujë?
Jo! Lexuan Fatihanë e Kuranit apo
ajetin Kursijj, e më pas i pickuari nga gjarpri u ngrit dhe eci. Atëherë, mënyra
e shërimit me Kuran është leximi i Tij, dhe hadithi që kemi është treguar i kësaj
gjëje. Po!
Nuk kam njohuri rreth çështjes së
ujit. Unë ju thashë pak më parë se disa prej dijetarëve tanë zgjerohen në këtë
çështje dhe lexojnë Kuran apo disa dua (lutje) në një gotë uji dhe më pas ia
japin të sëmurit për ta pirë. Këtë veprim e dijmë prej nga disa dijetarë tanë
por që ne nuk dijmë një sunnet të vërtetuar për të.
Nuk e di. E mohoj të kem njohuri rreth
kësaj, e ndoshta dikush tjetër ka njohuri. Allahu është më i Ditur.
El exhuibetul Xhamijjeh alal
es’iletis-selefijeh nr.66
Përshtati: Besmir Cacani
Nessun commento:
Posta un commento